Connect with us

خیبرپختونخواہ

صوبائی وزیر ملک پختون یار خان کا بی ڈی اے آفس ٹاؤن شپ کا اچانک دورہ۔

صوبائی وزیر ملک پختون یار خان

خیبر پختونخوا کے صوبائی وزیر ملک پختون یار خان نے بی ڈی اے آفس ٹاؤن شپ کا اچانک دورہ کیا جہاں پر انہوں نے عملے کی حاضری کا معائنہ کیا۔

صوبائی وزیر ملک پختون یار خان نے پراجیکٹ ڈائریکٹر اور ملازمین کی غیر حاضری پر برہمی کا اظہار کیا۔

صوبائی وزیر ملک پختون یار خان نے میڈیا کے نمائندوں سے مختصر گفتگو کرتے ہوئے کہا کہ خیبر پختونخوا کو سر سبز بنانے کیلئے ہر ممکن کوشش کی جائے گی۔

ہماری کوشش رہے گی کہ پورے خیبر پختونخوا و خاص ضلع بنوں کو ترقی اور خوشحالی کی طرف گامزن کرسکیں۔

ہم سب نے مل کر عہد کرنا ہوگا کہ کسی بھی صورت ترقی اور خوشحالی پر سمجھوتہ نہیں ہوگا اور کوئی رکاوٹ بنے گا تو اس کے خلاف یکجا ہونا ہوگا۔

اس موقع پر ان کے ہمراہ سابق صوبائی اسمبلی کے امیدوار حاجی ملک محمد اللہ داوڑ بھی ان کے ہمراہ تھے۔ انہوں نے کہاکہ صوبائی حکومت ملازمین کو جتنی سہولیات دے رہی ہے اتنا کام بھی ملازمین سے لے رہی ہے۔

آج ہم نے بی ڈی اے آفس ٹاؤن شپ کا دورہ کیا لیکن یہاں پراجیکٹ ڈائریکٹر اور ملازمین کی عدم موجودگی نے دکھ پہنچایا۔ ماہانہ کی بنیاد پر کروڑوں روپے کی تنخواہیں وصول کی جارہی ہیں لیکن فرائض ادا نہ ہونے کی وجہ سے بی ڈی اے اور ٹاون شپ کے مسائل حل نہیں ہورہے۔

شہر میں ٹاؤن شپ خوبصورت جگہ ہوتی ہے لیکن ہمارا بنوں ٹاؤن شپ ملازمین کی عدم موجودگی کی وجہ سے کھنڈرات کی شکل اختیار کررہا ہے۔

انہوں نے کہاکہ ملازمین کی غیر حاضری کسی صورت برداشت نہیں کی جائے گی جن ملازمین کو غیر حاضر پایا گیا ہے ان کے خلاف کارروائی کی جائے گی۔

انہوں نے ملازمین کی حاضری کو یقینی بنانے, ٹاؤن شپ کی صفائی ستھرائی اور اس کے مکینوں کی مشکلات کے تدارک کیلئے ہدایات دیں بعد ازاں نئی سبزی منڈی کا بھی دورہ کیا اور ٹی اے ایم کی طرف سے اٹھائے گئے انتظامات کا جائزہ لیا۔

صوبائی وزیر ملک پختون یار خان
Continue Reading
Click to comment

Leave a Reply

Your email address will not be published. Required fields are marked *